D’ADRenalin, déi jonk ADR, ass d’Jugendorganisatioun vun der ADR. Mir goufen 1999 als eng vun der Mammepartei onofhängeg politesch Struktur gegrënnt. Trotzdeem sti mir wéi ee Block hannert dem Grondsazprogramm vun der ADR. Eis Politik zeechent sech duerch Kontinuitéit a Kohärenz géintiwwer den Iddie vun eiser Mammepartei aus.
Mir riichten eise Bléck speziell op d’Uleiess an d’Problemer, mat deenen déi eropwuessend Generatioun konfrontéiert ass. All Joer ginn 1 Milliard nei Scholde gemaach an op d’Zukunft vun de Jonke gëtt eng Hypothéik ausgesat, an dat esouguer a wirtschaftlech gudden Zäiten. Déi aktuell Lëtzebuerger Regierung strieft e Rekordwuesstem un an dat, obwuel haut schonn net méi genuch bezuelbare Wunnraum zur Verfügung steet an eis Stroossen iwwerlaascht sinn. Dat kënnen a wëlle mir als ADR-Jugend net matdroen! Eng steigend Verscholdung an den onverantwortleche Wuesstem si leider bei wäitem net déi eenzeg Problemer, déi op déi Jonk duerkommen. An der Bildungspolitik gëtt de Leeschtungsniveau monter erofgeschrauft an d’Diplomer verléieren ëmmer méi u Wäert. Zesumme mat eiser Mammepartei siche mir aktiv no Léisungen, wéi mir de Jonke vun haut eng Zukunft vum Wuelstand an der Zefriddenheet bidde kënnen.
Ewéi eis Mammepartei setze mir eis a fir d’Stäerkung vun der Lëtzebuerger Sprooch, vun eiser Kultur an Identitéit. Mir sinn iwwerzeegt, datt eng gutt Integratioun vun eisen auslännesche Matbierger just iwwert de Wee vum Léiere vun eiser Nationalsprooch Lëtzebuergesch méiglech ass. D’ADRenalin steet fir eng Schoul, déi Leeschtung belount an ass géint Schoulreformen, déi de Niveau erofsetzen a soumat den Diplom entwäerten. D’ADRenalin bekennt sech zur Europäescher Unioun. Trotzdeem wëlle mir keen europäeschen Zentralstaat mee mir setzen eis a fir en Europa vun de staarken Natiounen. D’ADRenalin wënscht sech en oppent an éierlecht Lëtzebuerg, e Lëtzebuerg, bei deem de Bierger entscheet. Mir fuerdere méi direkt Demokratie a leenen de staatlechen Agrëff an d’Privat- a Familljeliewe vum Mënsch of. Och op europäeschem Niveau si mir gutt vernetzt: D’ADRenalin ass Member vun der EYC, den „European Young Conservatives“. Mir treffen eis a reegelméissegen Ofstänn, fir – am enken Dialog mat aneren europäesche konservative Jugendparteien – aktuell europäesch Sujeten ze diskutéieren.
Weis Courage: Entscheet dech fir d’ADRenalin!
Fir jonk a couragéiert Mënsche mat Perséin lechkeet, déi sech wëllen asetze fir
• eng beruffsorientéiert Ausbildung • eng reell Chance um Aarbechtsmaart
• e bezuelbare Wunnraum
• d’Erhale vun eiser Kultur an eiser Sprooch Du fënns dech hei erëm? Mir freeën eis, dech kennenzeléieren!
Kontakt und weitere Informationen: info@adrenalin.lu www.adr.lu
Als partizipative Debattenzeitschrift und Diskussionsplattform, treten wir für den freien Zugang zu unseren Veröffentlichungen ein, sind jedoch als Verein ohne Gewinnzweck (ASBL) auf Unterstützung angewiesen.
Sie können uns auf direktem Wege eine kleine Spende über folgenden Code zukommen lassen, für größere Unterstützung, schauen Sie doch gerne in der passenden Rubrik vorbei. Wir freuen uns über Ihre Spende!
